365 days

Nasaan ka at anong ginagawa mo at this period of the year last year?
Naaalala mo pa ba?

Kasi ako oo...

One year ago...
Pupunta kami ni Soulmate sa school para kunin ang clearance ko at lahat ng records na kakailanganin ko para sa trabaho. Patapos na ata ang klase at mag sisimula na ang summer kung hindi ako nagkakamali at oras na para ayusin lahat ng bayaran sa school, nandyan yung papapirmahan ko yung clearance at for sure nandyan din yung may mahabang pila sa pagpapapirma. Yung ibang studyante pinapapapirma lang yung clearance nila. Ako naman may ibang pakay. Kumukuha na din kasi ako ng copy ng form 137 ko pati yung grades ko para sa college.

Aalis na kasi ako at bilang na ang mga oras namin ni Soulmate noon.

Kumbaga nilulubos na namin... sabi ng Mama ko isang taon daw kasi ako sa Hong Kong at pagkatapos, babalik din ang buhay ko dati.

Lumalabas kami ni Soulmate ng madalas, pupunta sa school tapos tatambay lang, o kaya pupunta sa SM para mag Tom's World or Quantum. Tatapos kakain kami ng SHawarma o kaya ng paborito naming sisig sa may carinderia. O kaya pupunta ako sa bahay nila at saka kami manonood ng horror. Sa kanya ko nga pala natutunan manood ng horror. Dahil sa kanya napanood ko ang Jeeper's creepers, yung One missed call ba yun? O kaya yung, uhm, basta forgot na yung iba. Basta alam ko pianapanood namin yun habang kumakain ng Kanin with Tinola. Basta yun ata yung the best tinola days ko! Tapos, salitan kami. Minsan susubuan niya ako at minsan naman siya ang susubuan ko. (Wag green minded!) Tapos maglalabing labing na kami. Oh those days!! If only I could stay there forever.

Tapos alam niyo ba pag gabi, sa kwarto ko, gumagawa ako ng 365 letters para sa sa kanya. Kasi di ba isang taon nga ako mawawala, yung mga letters na yun ay babasahin niya every morning para marandaman niya ang pressence ko kahit papaano. Sa isang gabi nakaka 20 letters ako o higit pa. Kasi naman meron akong deadline di ba?

Noong mga panahon na yun, may mga tanong na gumugulo sa isip ko...

Yung iba, nasagot ko na ngayon.

Magtatagal ba kami?

Kakayanin ba namin ang isang taon na wala sa tabi ng isa't isa?

O masasanay na lang ba kami na malayo sa isa't isa?

Kakayanin ko ba? Kakayanin ba niya?

Eto ang kasagutan:

Mahirap, sobrang hirap, pero nakaya namin at ni minsan di siya naalis sa puso ko. At alam kong ganoon din naman siya sa akin. Hanggang ngayon, iisa pa din ang gusto naming mangyari, ang magkasama na kami. Nagbago ang ilan sa mga plano. Kami na mismo ni Soulmate ang nagplano sa kung ano ang gusto naming mangyari sa mga buhay namin. Sa mangyayari sa amin.

Ngayon, magtatanong ako ulit, kung next year ba, same period of the year, kakayanin pa kaya namin? Next year ba, magkasama na ba kami? O long distance pa rin? Magkakalamat ba ang relationship namin? Magkakaroon ba siya ng iba? Makakakilala ba ako ng ibang lalake?

Naisip ko lang, di ba may saying na wag mong ire- regret kahit anong pagkakamaling nagawa mo dahil for once in your life, ginusto mo yun mangyari. So ibig sabihin kung ayaw naming maghiwalay, at kung gusto namin magsama talaga at kami talaga 'til the end of time, syempre gagawin namin lahat di ba? Kasi nga yun ang gusto naming mangyari.

Gosh, napapadrama na ako dito. Okay change topic na lang.

*Salamat sa mga nagalala sa akin noong nagkasakit ako. Salamat talaga. Magaling na ako ngayon! Thank God, I'm still alive and kicking!

Oo nga pala, LSS ako sa song nina Maja at Rayver! Yung magkita na tayo! Eto ang tumatakbo ngayon sa isip ko...

Sino ka ba, parang matagal na kitang kilala,
Kausap kita araw araw pero di naman tayo nagkikita...
Sino ka ba, palagi na lang kitang kasama, pag uwi ko sa bahay,
pagkatapos ng eskwela,
Ngunit hanggang dito na lamang ba tayo?
Sa sarili nating mundo...
Magkita na tayo, magkita na tayo,
Gusto na kitang makilala pa,
Magkita na tayo, magkita na tayo,
Gusto kong makita ang iyong mukha,
Magkita na tayo, magkita na tayo,
Alam kong matagal na tayong ganito, kaya, magkita na tayo...

Gosh, ano ba? Kahapon pa ito ah!! Well at least maganda naman yung song. Napanood ko kasi yung movie niyan eh na balita ko hindi pa daw napapalabas sa mga movie houses. At sabi tatlong araw lang daw yung shooting. Ang title niyan ay: Kelly Kelly (ang hit na musical)

Search niyo sa youtube!! Promise maganda! Har har!!!

XOXO (toinks!)
Cindyrella