Away Bati

Lagi na lang ba tayo ganito?

Di magkasundo at laging nagtatalo,

Nakakapagod ng malaman kung sino ba talaga,

Sa ating dalawa ang mali at tama...

Pag sa tuwing nagtatalo ang dalawang tao na nagmamahalan nasa kanila na lang yan kung gusto nilang pahabain, balewalain o pagusapan. Nararansan namin ni Soulmate sa tuwing kami ay nagkakaproblema ang magusap isang buong araw para lang maitama ang mga mali. Actually nadadaan yan sa process, at ayon sa akin experice heto ang step by step process na iyon: (Ganyan ang nangyayari sa amin ni Soulmate, di ko lang alam kung ganoon din sa iba)

#1: Cold War
Nandyan yung hindi magiimikan. Siguro dahil sa sama ng loob, naghihintay pa kung sino ang dapat na mag sorry. Well, I have to admit, si Soulmate gusto din na nagso- sorry ako sa kanya kahit ba na sa tuwing ko siya ang may kasalanan, okay, wala tayo sa kung sino ang tama dito. Basta pareho kaming ganoon. Pareho kaming magmamatigas, lalo na ngayong long distance pa kami, pag hindi kami nagpapansinan, we just do our own thing. Ako, nanonood ng TV series, blooging, Friendster, etc. At siya naman, magtra- Travian, Dota, manonood ng ANIME at kung anu- ano pa. Tumatagal ito ng 1 hanggang 2 oras kapag weekend, half an hour kapag weekdays.

#2: Turuan
Matapos ang cold war, nandyan na yung magpapakirandaman. Dito malalaman kung sino ang hindi makatiis. Minsan si Soulmate ang nauuna, minsan naman ako pero di ko pinapahalata syempre na hindi ko na siya matiis. Sa tingin ko ay ganoon din naman siya. Ang hirap talaga kung pareho kayong mataas ang pride ano?

#3: Turuan part 2

Eto naman yung part na magsisimula na ang mahabang usapan. Magtuturuan kung ano ang mali sa isa. Hanggang sa hahaba ng hahaba ang usapan, tataas ang boses ng isa, di naman magpapatalo ang isa, mas lalakasan niya ang boses niya hanggang sa susuko ang kabilang panig. Madalas ako ang nagtataas ng boses, di ako proud sa ganoon pero alam mo yung kapag galit ka na, basta galit ako, wala kang magagawa. Ganoon yun. Puno ito ng rason, excuses at sisihan hanggang sa makakapagsalita ka ng masasakit na salita makuha mo lang ang inaasam mo na "Oo na tama ka na, sorry." HAHA! Matagal bago may umamin sa amin kung sino ang mali. Matagal bago may sumuko. May iiyak, maya maya may katahimikan, eto ang process na mahirap lampasan.

#4: Sandaling KatahimikanParehong magiisip ng tama, dito madalas nakakabawi ang isipan. Dito mo mare- realize na sumobra ka pala sa sinabi mo. Bakit ba hindi ko na lang pinalampas yung sinabi niya? Sana pinahaba mo na lang yung pasensya mo, sana di na lang umabot sa ganito.

#5: Sorry
Eto yung kakalimutan mo na ang pride mo. Dito ko madalas iniisip ang quotation na nabasa ko dati: It's better to your pride to the one you love than to lose your love because of pride. Pareho kaming magso- sorry sa isa't isa na para bang mare- realize niyo na mali naman pala ang kanina niyo pa ipinaglalaban. Suddenly, yung kaninang gusto mong marinig na sorry ay nasabi na pero hindi na yun mahalaga. Mas importante na ngayon ang nararandaman ng isa. Maaasar ka sa sarili mo kasi sana hindi mo na lang tinaasan ang pride mo kanina habang nagsasalita ka ng kung anu- anong masasakit na salita.

And so after ng process na yan, babalik na uli kami sa dati. Kahit long distance, we pretendeed to hugged and we kissed by the monitor. Ganoon lang talaga siguro ano? Kami kasi we have to go through the process bago namin malaman na di pala dapat ganoon. Di na dapat daanin sa away. Magkalayo na nga kami, magaaway pa ng ganito. Alam niyo mas maganda sana kung hindi na mauulit di ba? Pero sa tingin ko, madami pa kaming dapat matutunan di lang sa isa't isa kundi siguro pati na din mismo sa mga sarili namin. We are still two seperate entity na magkaiba ang paniniwala. (At dyan kami madalas na sumasablay) pero in the end, all that would matter is yung nararandaman niyo sa isa't isa, yung LOVE, na willing kayong magbigay at kalimutan ang sarili para lang wag mawala ang taong mahal niyo sa inyo.