Power of Two

October 22, this date is truly a memorable date to Soulmate and me, bukod sa eto ang birthday ko, eto din kasi ang date ng anniversary namin. And tomorrow, October 22 is our 2nd year anniversary. Di ko akalaing two years na pala. Ang bilis ng panahon. 2 years. Ang dami ding naming napagdaanan, he messed up, I fucked up as well, nagaway, nagkabati, kinasal, pumunta na ako sa Hong Kong, nagbakasyon na ako sa Cavite ng dalawang beses, at si Soulmate naman napunta na sa Hong Kong hanggang sa umalis siya, umiyak ako, umiyak din siya, nagyakap, naghalikan at nagsaya, nalungkot at nagmahalan. May oras pa nga na akala ko, walang wala na talaga at imposible na ang relasyong ito pero grabe pala talaga ang power ng pagmamahalan namin, in the end, kami pa din. Mas tumatag pa nga sa loob ng dalawang taon.

Okay backtrack...

October 22, 2007, 2 years ago...

Sumakay kami ng tric dahil kakagaling lang namin sa SM Molino *yung mall* dahil sinelebrate namin ng friend ko ang birthday naming dalawa, sabay kasi kaming magbi- birthday, October 22. Matapos ang celebration, nagpasya si Soulmate na ihatid ako sa bahay namin. Malakas ang patakbo ng tric at sobrang hinahangin ang buhok ko... Hanggang sa makarating kami sa bahay, nalaman kong hindi pa dumadating sina Mama kaya pinapasok ko muna si Soulmate sa loob ng bahay namin. Umupo kami sa garden namin, umupo kaming magkaharap. Maya maya lang ay hinawakan niya ang kamay ko...

SOULMATE: Cindy, di ba sinabi mo sa akin dati, pag 18 ka na legal ka ng mag boyfriend? (Tumango ako, naaalala ko pa noong sinabi ko yun sa kanya, Isang gabi, nakaupo kami sa may garahe at noong sinabi niya sa akin na kung pwede ba daw siya manligaw, sinabi kong pagka-18 ko na lang dahil sa edad na iyon ay sure na pwede na akong magkaboyfriend, sinabi ko din kasi sa sarili ko na pag nagboyfriend ako, gusto ko yung seryoso na dahil marami na din akong nagawang pagkakamali at ayoko ng maulit iyon. Prospect ko na talaga si Soulmate, ang tagal na din kasi naming magkaibigan. Grade 4 pa lang ata ay magkakilala na kami.) Eh birthday mo na ngayon, 18 ka na at pwede ka ng magboyfriend, pwede mo ba akong maging boyfriend? (Katahimikan ng ilang segundo, eye to eye.) AKO: Oo, pwede na. (pasimpleng sagot ko) SOULMATE: Talaga? (aniya na para bang di ko malaman kung ano ang susunod niyang gagawin, tatalon ba siya o yayakapin ang paso sa halamanan o magtu-tumbling.) Hindi nga? Talaga? As in tayo na? (Maraming beses niyang tanong.) AKO: Oo nga, ayaw mo ba? (Pa cute ko namang reply, nakangiti lang, cool lang.) SOULMATE: H-hindi, gusto ko syempre, nagulat lang ako, thank you! (Pinisil pisil niya ang kamay ko) Uhm pwede ba kitang yakapin? (Di pa rin niyang mapakaling tanong.) AKO: Oo naman! (At nagyakapan na nga kami ng ilang segundo, Gosh, kahit alam ko na na mangyayari ito, natanong ko pa din sa sarili ko kung totoo ba itong nangyayari sa akin? Ang pagyayakapang iyon ay tumagal ng 15 seconds, binilang eh no?) Ano okay ka lang? (tanong ko.) SOULMATE: Kinakabahan ako, hawakan mo ang dibdib ko. (Kinuha niya ang kamay ko at itinapat sa bandang puso niya at narandaman ko nga ang lakas ng tibok ng puso niya, grabe totoo ngang kinakabahan siya, mas kinakabahan pa ata siya kaysa sa akin.)

Maya maya lang ay narinig kong may padating na tric, naku, padating na sina Mama kasama si Daddy, lagot... Kahit ba 18 na ako, ayoko pa ding madaliin ang lahat, saka ko na sasabihin ang tungkol sa amin ni Soulmate.

PS: Actually nagpropose na si Soulmate habang nasa tric kami kaso dahil nga sa nililipad ang buhok ko, sa tingin ko ay hindi magandang place ang tric para sagutin ang kanyang katanungan, magiging witness pa ba namin ang driver? Hehehe!

Isa pang PS: Nagcelebrate ako ng 18th birthday ko noong October 27 instead of October 22 dahil super busy kami. Birthday din kasi ng little brother ko sa October 24 so pinaghandaan na muna ang children's party niya. Si Soulmate ang naging escort ko at sa gabi na iyon at pinakilala ko din sa lahat ng tao kung sino talaga ang lalakeng nagma-may ari ng puso ko.

To my Soulmate: Happy 2nd year Anniversary, I love you! Will always be here as your angel and devil, your wife, your girlfriend, your best friend, your best enemy and your lover,

Cindyrella ^0^