World Wide Adventures I

Ang World Wide Center ay isang Mall dito sa Central, Hong Kong na puro pinoy products ang binebenta at puro pinoy din naman ang tumatangkilik. Sa ilang daang libong pinoy dito sa Hong Kong ay di pwedeng hindi sila dadaan sa World Wide, bukod kasi sa may Jollibee dito ay puro pinoy din ang makakasalamuha mo. Kung nasa ibang bansa ka tapos nasanay kang tumira sa Pinas ay paniguradong hahanap hanapin mo ang kapwa mo pinoy para naman ma feel at home ka kahit papaano. Mula nang nag part time ako sa lugar na ito, medyo nawala ang pagkamiss ko sa Pinas kasi, nakakatuwa pakinggan ang iba't ibang kwentong baon ng kapwa nating Pinoy pang sa tuwing sila ay napapadaan. Halos ikwento na nila ang buong buhay nila sa aming mga sales lady. Tapos nakakatuwa pa yung ibang mga sales lady doon dahil iba iba ang ugali, may mga taong pang asar na pag hindi ka marunong maki- ride ay talo ko. Never pa ata akong nakatawa ng tulad ng pagkatawa ko kanina sa buong stay ko dito sa Hong Kong.

Meron nga doon noong isang Linggo, nagkwe- kwento siya tungkol sa mga anak niya. Tawagin na lang natin siyang Tita Churvah na mahigit 60 something na ata.Naiinis daw siya kasi 25 years old na daw ang anak niya nang nag asawa tapos yung lalake daw ay walang silbi. Noon naman daw ay okay silang mag Ina pero nang dumating daw yung lalake na yun sa buhay niya ay tuluyan na daw nagkagulo ang relasyon nilang mag Ina, mas pinagtatanggol pa daw yung lalake. Syempre ako nakikinig lang ako. Ayoko na tuloy sabihin na sa kasal na akong tao. Sa halip ay tumahimik na lang ako.

Meron naman doon yung kasamahan ko kanina, tatlong buwan pa lang daw siya dito sa Hong Kong ay nabalitaan na niyang nakabuntis ang boyfriend niya. Masakit daw kasi naniwala pa naman siya sa BF niya na kaya nila mag long distance relationship. Naisip ko, hmm swerte na din ako kahit papaano kay SM kahit minsan may pagkaabnoy ang mokong na 'to. Ang dahilan daw ng lalake sa kanya ay inakit daw kasi siya ng babae at lasing daw sila. Ang sabi ko naman, napaistupidong rason naman yun, of course guys always have a choice, either yes or no di ba? So I guess the guy's really a jerk.

At kanina nga pala ay kumain kami ng mainit na arroz caldo, kailan ba ako huling nakakain nito? Ang sarap sarap habang malamig ang panahon sa labas, samahan mo pa ng spaghetti na bigay ng boss, naku walang katulad. Ang sarap siguro mamalagi doon. Tawa lang kami ng tawa habang nagse sales talk. Lahat na ata ng bola sasabihin mo para bumili sila eh, hehehe! Ooops! Mga totoong bola naman yun no! Paano kaya yun? Basta yan na muna sa ngayon dahil masakit ang paa ng lola niyo, sarap siguro pamasahe. Pero para hindi mapasma, hindi ko na lang siya binasa kanina. Eto nga pala ang picture ng kasamahan ko kanina habang naglalakad papunta sa MTR station.

So that's it for now. Haysss, tomorrow's gonna be another day. Time to rest...

Cindyrella ^__^